Kadib markii dhowaan magaalada muqdisho ee caasimada soomaaliya shirweyne lagu dhisayay hogaanka cusub ee ururka suxufiyiinta qaranka soomaaliyeed ee NUSOJ lagu soo gaba gabeeyey islamarkaana muxidiin xasan maxamed xusni loogu doortey gudomiye ku xigeenka koowaad ee ururkaas ayaa waxaa soo dhaweeyay dowlada koonfur galbeed ee soomaaliya. Ku simaha madaxweynaha dowlada koonfur galbeed maxamed xasan fiqi ayaa sheegay in maamulka koonfur galbeed ugu hambaliyeynayaan wariye muxidiin xusni guusha uu kazoo gaarey doorashadii ka dhacaday muqdisho,taas oo aduunka oo dhan lagala socdey,isagoona ku simaha madaxweynaha ahna wasiirka beeraha iyo waraabka carabka ku dhiftey iney qaban doonan munaasabad guusha wariyaasha soomaaliyeed gaar ahaana kuwa koonfur galbeed ka gaareen lagu soo dhaweynayo. Cod Wariye muxidiin xasan maxamed xusni oo ah gudoomiye ku xigeenka koowad ee ururka suxufiyiinta qaranka soomaaliyeed ee NUSOJ ayaa waxaa uu doorashadii muqdisho ka dhacday wariyaasha soomaaluyeed ku doorteen tiro dhan 97 cod oo uu guusha ku raacdey. Dhinaca kale ku simaha madaxweynaha maxam,ed xasan fiqi ayaa fafaahin ka bixiyey qalab beeraha loogu talageley oo wasaarada baydhabo keentey.
Wariye Siid-Cali Muse Mohamed {Atera}Baydhabo..