Shir mudo 5 maalin ah ugu socday magaalada Muqdisho Taliyayaasha Amisom ayay isku raaceen in kor loo qaado wadashaqaynta AMISOM iyo Ciidamada Xoogga dalka soomaliyeed iyo in latayeeyo howl galada lagaga horjeedo Al-shabaab.
Qodobada kasoo baxay shirka waxaa ka mid ahaa in ladhiso awooda ciidamada Somaliya lagana dhigo kuwa aqoon u leh shaqada ay qabanayaan sidoo kalana awood u leh in ay lawereegaan ammaanka dalka marka uu dhamaado waqtiga uu ku egyahay joogitaanka ciidamada AMISOM.
Shirkaan ayaa waxaa lagu sheegay sidoo kale in AMISOM iyo SNA ay tahay in ay kala kaashadaan wax yaabaha farsamada iyo arrimo kale ay tahay in ay kala kaashadaan Qaramada Midoobe.
Taliyayaashaan ayaa waxaa kaloo ay soo jeediyeen in la dedejiyo taageerada hubka iyo waxyaabaha kale ee ay u baahanyihiin SNA si hawgalkoodu uu u noqdo mid waxtar leh.
Maalintii ugu dambaysay ee kulanka uu soo xirmay ayaa waxaa kasoo qayb galay saraakiil sar sare oo ka kala socda AMISOM IYO DFS, waxaana kamid ahaa Francisco Madeira;iyo Raisul wasaare ku xigeenka DFS, Mohamed Omar Arte.