Muqdisho(WRB)Wasiirka Dhallinyarada iyo Cayaaraha Xukuumadda Fedaraalka Soomaaliya Maxamed Xasan Nuux oo la hadlay VOA ayaa sheegay in aysan wax dhibaato ah ka soo gaarin Qarax xalay ka dhacay Banaanka Carwo uu ka adeeganayay oo ku taala wadada Maka Al-mukarama ee Magaalada Muqdisho.
Wasiir Nuux ayaa sheegay markii uu ka degay Gaariga in lagu soo tuuray Walxaha Qarxa, sidoo kalena uu dhaawac ka soo gaaray mid ka mid ah dadkii la socday.
Waxa uu sheegay in lagu raad joogo raggii ku lugta lahaa Qaraxan, waxaana uu sheegay in ujeedka Qaraxa uu ahaa in lagu qalqal galiyo hormarka iyo ganacsiga magaalada Muqdisho.
Ciidamada dowladda Soomaaliya ee gaaray goobta uu xalay Qaraxa ka dhacay ayaa Howlgal ay sameeyeen waxa ay ku soo qab qabteen dad tiradooda ay kor u dhaafeyso 10 Qof, kuwaas oo looga shakiyay in ay ka dambeeyeen Qaraxan, sidoo kalena baaritaano lagu sameyn doono.