Madaxweynaha Maamulka Puntland oo dib ugu laabtay Deegaanada Puntland ayaa wuxuu ka hadlay Shirkii Madasha Hogaamiyeyaasha Wadatashiga Qaran ee lagu soo gaba gabeeyay Magaalada Muqdisho.
C/wali Maxamed Cali (Gaas) Madaxweynaha Maamulka Puntland ayaa sheegay Madasha Qaran in ay isku raaceen qaabka ay u dhaceyso Doorashada, sidoo kalena xagooda ay ka soo dhamaatay arinta, laakiin kaliya ay dhiman tahay fulinta.
Waxa uu kula dar daarmay Ergooyinka soo xulaya xubnaha Baarlamaanka Aqalka Hoose iyo sidoo kale Odayaasha soo xulaya Ergooyinkaas in ay da dejiyaan howlaha u yaala.
Madaxweynaha Maamulka Puntland C/wali Maxamed Cali Gaas ayaa sidoo kale rajeeyay Baarlamaanka haatan la soo dhisayo in uu ka duwanaado Baarlamaanka hada jira.
Madasha Wadatashiga Qaran ayaa shir dhowr maalmood uga socday Magaalada Muqdisho la soo gaba gabeeyay, waxaana shirkaas laga soo saaray Habraaca Doorashada Soomaaliya.