{WARSANRADIO}Waxaan a heen koox ka tirsan Warbaahinta Soomaaliya oo Musharax Cali Xaaji Warsame la wadaagay Sheeko iyo Shaah, hotelka Grand Indian Cuisine ee Magaalada Nayroobi.
Waxa uu ahaa nin sheegi kara sababta uu u doonayo xilka madaxweynenimo ee Jamhuuriyadda Soomaaliya, waxa aan weydiinay dhowr su’aalood oo lagayaabo in wariyaa nala mid ah ay weydiin lahaayeen.
Su’aalaha waxa kamid ahayd Sababta uu u doonayo in uu noqdo madaxweyne isaga oo og caqabadaha waaweyn ee maanta horyaal Bulshada Soomaaliyeed, kuwaas oo le siyaasad iyo Bulshaba?
Waxa uu ii sheegay in uu leeyahay xirfad uu ku shaqeysto, islamarkaana uu haysto nolol illaa xad isaga iyo qoyskiisuba ay ku noolaan karaan, sidaas daraadeedna uusan lahayn ujeeddo dhaqaale iyo magac doon ah, ee uu gudanayo waajib isaga saaran sida uu no sheegay.
Waxa aan waydiinay waxa uu qaban karo xilligan ee u muuqda in aanay qaban madaxdii dalka soo hoggaamiyay.
Cali; waxa uu ii sheegay in maanta uusan joogin meel uu dib uga noqdo oo uu siyaasadda uga baxo, sidaas awgeedna uu go’aansaday in uu awooddiisa iyo garashadiisa isugugeeyo sidii uu wax uun ugu kordhin lahaa dowladnimada iyo Soomaalinimada.
Cali; waxa uu ii sheegay in uu damaca iyo hammiga siyaasadeed uu ku kordhay markii uu noqday Wasiirka Waxbarashada ee Puntland, markaas oo sida uu no sheegay uu wasaaradda waxbarashada ee Puntland shaqo weyn oo fiican ka qabtay.
Sida ay dadkeena siyaasaddu yiraahdaan marka ay ku jiraan ololaha iyo tartanka siyaasadda waxa uu Cali Xaaji; ii sheegay in laxow daleed iyo damaq dadeed hayaan, ayna yihiin kuwa ugu waaweyn ee uu u go’aansaday in uu isuu sharraxo xilka madaxweynenimada Soomaaliya.
Waxa aan weydiinay fursadaha iyo yididiilada uu leeyahay ee ku caawin kara in uu noqdo madaxweyne, waxa uu yiri: “Kow; Waxa aan ahay musharaxa keli ah ee ka yimid dhinaca ganacsiga iyo bulshada Rayidka (Business sector & civil society), sidaas awgeed waxa aan haystaa fursad aanay haysan musharixiinta kale, Laba: Tartan madaxtinimo ayaan soo galay, sidaas awgeed cadaadiskii iyo cabsidii i hayey waagaas hadda ima hayaan, waxa aan u socdana waan aqaan, Saddex: Ragga ila tartamaya badankoodu waxa ay soo mareen tijaabo siyaasadeed, oo heer federal ah, waxa lagayaabaa in aanay ku soo guuleysan, oo taasina ay dhaawac siyaasadeed ku tahay, sidaas oo kale waxa aan leeyahay dulqaad siyaasadeed oo haddii la iga guuleysto waxa aan awoodaa in aan u hambalyeeyo musharixii ku guuleysta”
Inkasta oo dadkeena Siyaasaddu ay aad uu qalbi fiican yihiin xilliga ololahooda ayna is rogaan marka ay la kulmaann cadaadiska iyo culeyska xilka iyo hoggaaminta marka ay qabtaan talada haddana waxa no muuqatay in Cali Xaaji Warsame yahay siyaasi ilbax ah oo illaa xad ka badbaadi kara qabyaaladda iyo kooxeysiga aan sharciga waafaqsaneyn ee gebi dheer ka tuuray ilbaxnimada dowladnimadeena.
Cali Xaaji Warsame waa 52, jir, waxa uu ku dhashay degmada Jarriiban ee gobolka Mudug, sanadkii 1964-tii.
Waxbarashada asaasiga ah waxa uu ka billaabay Hargeysa, waxa uuna ku dhammeeyey magaalada Gaalkacyo ee gobolka Mudug, waxa uu shahaada koowaad ka qaatay mac-hadkii horumarinta maamulka iyo ganacsiga ee SIDAM, oo ku yiil Muqdisho,
Shahaadada Masterka waxa uu ka qaatay jaamacadda American University , ee London, waxa uu madax ka noqday dekedda Boosaaso, sidaas oo kale waxa uu noqday guddoomiya guddiga fulinta ee shirkadda Isgaarsiinta ee Golis, kadiba waxa loo magacaabay Wasiirka waxbarasada ee dowlad goboleedka Puntland.
Isutagga Imaaradka Carabta ayuu ka shaqeeyey, isaga oo dowladda Imaaraadka u noqday Xisaabeye, waxa uu muddo ku noolaa ingiriiska.
Dhowaan ayuu shaaciyey in uu yahay musharrax tartanka madaxtinimada Jamhuuriyadda Soomaaliya ee sanadka 2016
WQ: Axmed Ciise Guutaale
Nayroobi-Kenya
AKHRISO:-Cali Xaaji Warsame oo la wadaagay Wariyaal Sheeko iyo Shaah, hotelka Grand Indian Cuisine ee Magaalada Nayroobi.
previous post