ADIINY MO’OSHIITHY
Hatany fiyaawaang ii nebed dhugunsothoow meel kastoo ising rooghdaang, sikasaty isiing niigh dhugunsethaasaangh. Jimaa feyly markaly haky dhowaathy qiibtii lammad ee barnamishkii inky magadarny “ADIINY MO’OSHIITHY”, kaasoo jimaa kasty kedkung oo kale niinky barateen iny uny howathy hasiing marsiiny, uny oo todobaadkii hore ha siin bilaawny ku waramoowky haldoor al mu’alif, fanaan,mulaxan, Muhsin Qaasim (JAAKOOLE).
Langby langsheey usi wiinaaysithee, lang kaly ming wiinayaaw athiiny mo’oshiithy.
Dhulky K.G may buwaa dhul barwaaqyly. Maybaany ing shal bahaayaany gol ii gaphiiby Dooy ii Harqaangh ii haanoo kale oo ku sii bathang oo ke fayle tacabashithy oo langsheey hoo hoog, masqangh ii maal giliyi runtii ki dheefsathaaw baahy ii dhibsheeny meelaas kuku heraasy. “ATHIINY MO’OSHIITHY”.
Langny may qabee dhul fuur ii sheeb eh, meel lyabuurethaaw inglahaayny, hatany saas ety ki dhithithoohaaye usu oo hoog ii waqtiby giliyoohaaye, dhul dhedhaab eh buur korshee ki yaaloo abuurethoohaaye, dhibny maky qaby ky dha’noolyi illeen dhulsheeybuwaa.
Athiiny intaas dhul silaa galgaleh dhahalkii obooghaa eh qabty yaa tabar athy ka abuuratoo kiky dheefsaty waayty, maybaany ku doorateey iny dhul shisheeye ing dheelmatoo dhiigaa liky deethiye, athy oo isku moojhy moojhiyaasy dheefty yaaly Dhulkaa. “ATHIINY MO’OSHIITHY”.
Goroty doogeey hatany mo gorony may weely wili walaa kiing dhiming oo athy hordhaang likiingky sheeghy yee oo si toosing likiingky tilmaamoow, haaaby haatoo nasiibdory athy ingwaayty dheghy athy ki dhughunsity iyo qalby athy ki goroty.
Sithaas daraadiyee reed kiing tuwiyooy heestii Abwaan Muhsin Qaasim Jaakooly EE haayty. “Dhulky dheefaa ki jirtee dhirir malqothaayoo dhegsii”
Clipka heesta.
Al-fanaang Muxsing Qaasim Jaakoole iny haldoor dalkung ii dadsheey sithii wal ingtarsathylahaayeeng walbathang goby doo ii hees inky sheeghy iny usy eye ma kaaysang “athiiny mo’oshiithy”.
Isku hees ming heesny fanaanky ee mayba ereyathy heeskung abwaanky ing elifeey iny nii tusy deeqdy eebbywiiny nisiyeey deheng eek u hindhy saabangny, madoo haliingtoo ingdeymoothhaany dhamaghaany ii dhugaany niinky simy waaysangny iny aragny si haanglabany dheefty niikudheerayny ee dhanaatho oo dhiirirku misgy e liky farjhiyi kuky baahy bahaany. “Athiiny mo’oshiithy”.
Clib hees.
Abwaanky Muhsing Qaasim Jaakoole lang hanuung dadaaliyu dadsheey inku hakrany hikmadii usy illaaheey siiyi usy mad haliintoo ing wehsany aqly gaabaneeghy ing ogaayny wali eyi haldoorky muthung inti usy noolyi iny linky abaalguthy walii usy jeysithy oo faylahaang eh ee usy mutasithy. “ATHIINY MO’OSHIITHY”.
Hataby uny inty haanky koophy korny hal door Muhsin Qaasim Jaakoole waltarsheey ling hilmaamy korny ee usy ku jeeysithy horumariyoowky bulshuthung usy oo atheegsathaaw hal abuursheey af yaalnimy ee illaahey hiphithy ingsiyi, taasoo walbathang ku tartay wacyighy bulshithy geega usy ing eye haldoorky ling araghaany ee taariiqty ogdy iloow, “athiiny mo’oshiithy”.
QAYBTII 3AAD EE ATHIINY MO’OSHIITHY
Hatany fiyaawaang ii nebed dhugunsathiyaal meel kastoo ising rooghdaang, sikasaty isiing niigh dhugunsethaasaangh. Jimaa feyly markaly haky dhowaathy qiibtii lammad ee barnamishkii inky magadarny “ADIINY MO’OSHIITHY”, kaasoo jimaa kasty kedkung haatoow niinky barateen iny uny howathy hasiing marsiiny, uny oo lamaathy jimaahood lahadhaafy hasiinky waranghny haldoor al Mu’alif, Al-Fanaan,Al-Mulahangh, Muhsin Qaasim (JAAKOOLE).
Jimaathungny waybaa hor kiinky wetheeyi heesooghii dareenky lahaayi ee Muhsing Qaasim (Jaakoole) Qaathy, haanaasoo raad maathy ky reebaase lankasty oo goroshy dheer ii fiiry ly kaasoo madiiby kysaaw wali heesty ku hathylaasy, dadky usy fanaanky lahathaloohaayi, ii sithy usy uursheey ing diithaaw dhibky ehelky mis hurtoothy e dhatiyoo ku jary iribhumaanty hadhoow ku dhalythy doongty ii meel ling danghbooyi doony iloow “ATHIINY MO’OSHIITHY”.
Mad maddoo wali ka’aalaasee iny af- yaalky ly saarangyi af sheey oo walaa usy ky heesaawby eyiin wal jary oo usy unku digaaw dadsheey iny infeeylahaany si yoo ingky kedsoowny beriyeey medy meel mithoow lahy surumy oo walny linku deero korny, oo walkastyby deersingh ing lyhaayny.
Mitaal haangh ing dhugungsooy heeskung amang hory haayi ee abwaang Muhsing Qaasim (Jaakoole) elify ee eraayi “dathooy hang haatoow araghdeeny, highaaloothy inis huraanee haaskynaghaty, haasid ku faa’ithy,”. Heeskung Athy dheegdy iloow “MO’OSHIITHY”.
Clip hees
Heeskung wali kyjaree heesoo abwaanky lahaky towaaw jeelky usy ingqaphy dadsheey ii dalsheey ii sithy usy ingneebyi maddii yoo dhatiyoo isqobsithaang oo birty intii inis qaathythaang sithii umut wilishee olhaayty haang dhiig inusky deethyiyaang ii sithy usy iniing bariighalaany illaa usy ku araghaaw dadsheey oo nebdaawi oo gorothy iny yoo eyiing haany beriyeey is duughaayi oo kiby kang kaly kan usy ol kuweeldhithaaw eyi kii hawaaliis qothaayi qaathaayi hangdooliis. Hooby isku diloone usy waayaaw kii ing hiiliyi fathy oo isky halaayaayi.
iloow taas “ATHIINY MO’OSHIITHY”.
clib hees.
Abwaan Muhsing Qaasim Jaakoole walibuwaa haldoor taariikdiis ing dhamaathaany kung maalmood hooby dareerty, maany yar heeso qadiyaady ly ee usy qaathi hooby haathy fady haang gubaabathy ly ee usy ky tilmaamoow olka, deeqdy dhulky ki jarty ee eebe wiiny nisiyi ee ku hindhy saabangny, ii tang ayoow amaantii ky dhamaateey jaakoole lang ing haayny wali qalbijheey haku bety ingjiry arathaany ingroogny , waly kaloo is tuwiyoow muthuny. Mad dhowaayty wali jarteey hees faanaag lo gorothaaw ee arlaathy soomaalithy itoobiyi deghaasy qaathy oo maghaasheey ly eraaw Cali Dhaanto kasoo degmiyaal ky yaalaang Gobolky BAKOOL usy heessheey ki sheeghy iny yoo ku mid eyiing DOW LAD DEEGHAANKY ITOOBIYA, Abwaan jaakoole me eh afyaal wal ingdheghensathaany, dheegheey muku herny madiibi ingjawaaby waliny ereey sidung athy heesky ki dheeghydoongty.
clib hees
iloow “ATHIINY MO’OSHIITHY”. olkaas jaakooly sheleethiis ki negethy ee hatany ing teeghinyi iny usy ing jawaaby lankasty oo af yaal istaawiyi oo iski deyi iny usy afka balay hakysiyi deeghaanathy yoo deeghaayaang umuty usy af-yaalsshoo eyi muhsing qaasim jaakoole. “ATHIINY MO’OSHIITHY”.
QAYBTII 4AAD ATHIINY MO’OSHIITTHY
Hatany fiyaawaang ii nebed dhugunsathiyaal meel kastoo ising rooghdaang, sikasaty isiing niigh dhugunsethaasaangh. Jimaa feyly markaly haky dhowaathy qiibtii lammad ee barnamishkii inky magadarny “ADIINY MO’OSHIITHY”, kaasoo jimaa kasty kedkung haatoow niinky barateen iny uny howathy hasiing marsiiny, uny oo lamaathy jimaahood lahadhaafy hasiinky waranghny haldoor al Mu’alif, Al-Fanaan,Al-Mulahangh, Muhsin Qaasim (JAAKOOLE).
Wali ha deerneey jimaathy inky dangbooyty ee uny hykhatamy lahaayny
waakan asoo lasoodoobay oocodeeysan waa coka dalmar