QAYBTII 5AAD ATHIINY MO’OSHIITTHY
Hatany fiyaawaang ii nebed dhugunsathiyaal meel kastoo ising
rooghdaang, sikasaty isiing niigh dhugunsethaasaangh. Jimaa feyly
markaly haky dhowaathy qiibtii shanaad ee barnamishkii inky magadarny
“ADIINY MO’OSHIITHY”, kaasoo jimaa kasty kedkung haatoow niinky
barateen iny uny howathy hasiing marsiiny, dhughunsithiyaal jimaathun
maybaa bilaawaanee ku sheekeyoowky haldoor Al-abwaan lahamiiste
fanaan Mahamuud Haaje Mahamed Tarash.
Abwaang Tarash maybu waa haldoor aragty dheer ly oo suugaanty ky
cabiraaw walaghy halyderisy Bulshithy usy ly noolyi.
Abwaan Mahamuud Haaji Mahamed Tarash madoo Abwaangu elifaaw heeso,
madoony lahamiistuwy isa saaraaw siiqithy heesty linky sootheyaaw
madny fannaanghu edsheey dheneghaaw oo madii athy dhughungsithaasy
inku dhereghaany.
Iloow “ATHIINY MO’OSHIITHY”.
Mayar heesoo Abwaanky elefy saari lahanky hatany edsheey kiky
luuqeyaaw. Iloow ATHIINY MO’OSHIITHY.”
Taasny weli sabatiyee ly, ANIINY MO’OSHY ATHIINY MO’OSHIITHY.”
Mahamuud Haaji Mahamed Tarash heesoo usy qaathy yee oo tiby tang kaly
ku durunghty oo too too kaly liky doorsithaaw ingjarny ya may baa
hakiing mariisiyeeyi hees ku hathylaasy sithy iskaalathoowky dadky ing
eyi mal hureeng linku maaramy korny taasoo hoo luwaayi guul ked dhow
lydeery hanuun liniingh fidhiiny. Heeskung maybaa ku hathalaasee
dhiniyaal bathang oo kulishoo udub dhig ing e nolol geeheedky umuty ii
sithy yoo inisly dhaghamaayaang.
Mitaal inty liky jary hool geeheedky daky koo shaghaaluwu koony wal
ingshagheeyee. Lamaathaas dhatiyoo wali luky yaabee iny usy gef ku
dhiyi , koreed ileen shaghaaghaaloothy naftiyee me’e haanoo simingh oo
isku darajy ku rooghy darky shughulky ku dareery.
Wali reedshee kooyaasee eed ii ay syweely. “mady taas kooyty oo eed ii
eraab lis dhaafsathy wali inty bathang lyereeyi ey suubiyi dhibkung”.
Haanoo wal istaawiyaaw ii haanoo wal ling taawiyaany darkasty Kolby
rooghaany waany walk u heleeyi yee oo gardoroneeghy ly araghaaw ya
masking wal ingh halayny eleeng luku saaree yee oo la eragaaw kii
gefky jeeysithy.
Kedkaas haataaw ya heeskung lang dhug ly madiiby batag haky eraasy.
Heesty may eraasee. “Gaal wal halaayi, ereng luku guthaaw usyleey
lygheethaaw lygoophy goophyaaw shibeelkii goodisheeyaa.” Iloow
“ATHIINY MO’OSHIITHY”.
Laky jiilaal hy fuuri ii yaab kaly jaree. “ATHIINY MO’OSHIITHY”.
Aduun langrooghy mad leey waqty ku tabi hatatuwee oo walaalsheey oo
garab ii gaashaang ku fethaayi usy garab binaayi, sikaly hoo ing
ernoony amang hoogsheey eed ling tuwunaayi ya erdaaloownimo hoogsheey
duurky inly galy,
Iloow tarash iny aragty dheeryi halkung any kiing sheeghy hooby usy
yooby suughaan ki ibiri any ki dheejiye waly eraasee “gurty hooby
moqongty midigdy gantaal ii gamuungh meel dheer my geeysiyaasy.
Iloow iny abwaangh Tarash eyi lang aragty dheer oo suughaanty wal ki
ibiraaw.”ATHIINY MO’OSHIITHY”.
Dadbaa abwaanshoo wiinaysitheey doosheeyby wal ing haayny dgeghaashoo
iniin dhikaany, athiiny iny abwaankaa ki faanty isku dhaafy
hathalsheeyby daar dhang lyky eri kiinky dhiking.
Taas maybaa mayba athy ky ogaathy kortee lankaly us ku dhaafy athy
is saar miisky si athy ing ibirty doorky abwanky athy ingku ogoly
waltersheey dalkung athy kynooly ee e iny athy dhugunghsity
heeseesheey kureedny athy oghaaty ereyethy kyjaraan heesky murtithiyoo
meel dhiyaasy ii wali abwaanky athy koo fathaaw ee heesky hakiinky
gudbiyoohaaye.
Kolkaas koreed ya lamy tootiyoo kiing shalbahaayaang,
1. Iny athy lety abwaang wal elifaawleey lahang iyo luuqaud
ingsaaraany ereyithy heesky
2. Ii iny athy lety abwaang mulahamiisty iyo edby heesky saarathy
kory taasoo abwaanky kiikaa shaleethiisleey inggoony e.
May kiingky . “ATHIINY MO’OSHIITHY”
Daraja eebaheey abwaanky siti langny ming diithy kory iloow ky
faanghty kii roonaayty.
Hoo lukoo waayi usiiny hanuunby I dheeg maky ly taasny isku dheh my eh
ee heesaa kiinnky sheeghy.
“iloow athiiny mo’oshiithy.”