ATHIINY MO’OSHIITHY QEYBTII 6AAD
Hatany fiyaawaang ii nebed dhugunsathiyaal meel kastoo ising rooghdaang, sikasaty isiing niigh
dhugunsethaasaangh. Jimaa feyly markaly haky dhowaathy qiibtii lixaad ee barnamishkii inky magadarny
“ADIINY MO’OSHIITHY”, kaasoo jimaa kasty kedkung haatoow niinky barateen iny uny howathy hasiing
marsiiny, dhughunsithiyaal jimaathun maybaa bilaawaanee ku sheekeyoowky haldoor Al-abwaan
lahamiiste fanaan Mahamuud Haaje Mahamed Tarash.
Abwaangky usy elifathaaw ereyithy lahangjheey saarathaaw mustikithiis tumuthaaw edsheey
saarathaaw Mahamuud Haajy mahamed Tarassh lang ingorathaany majary arlaathungh ingdhalathy.
Dethaaly walbathang murty usy elify edsheey hanii deersiyi usy oo athy kiing sheeghaaw wal athy koo
moqong oo masqngtaa inky jarny. Iloow. “ATHIINY MO’OSHIITHY”.
Waly jaree heesy Abwaan Tarash qaathy oo guud wadanky soomaaliya eed linku kasaaw oo madii ling
tartamy suubisky heesooghung abwaanky lang hadeery liwaayi sithy heesty ly eraaw bir madeerty ii wal
amangdheer dhiyi eraasy. “wal amang dheer dhiyeey afartaneeyathii Arbaa shiidgankii isti’maarky
haayeengh, ingdorong towiisaa aargoosathaasee Ally haghsheey me’ee. “
Inysithaas jarty oo abwaanky heerkaas fanky soomaaliyeed ku deeri koo kaaysinty, mise maaby dheegny
waaby koo wa’ad alluwu misy abwaankibaa kiily sehlang oo iny meelaas deeribaa dareenshee
inlahaayny, naghateey ku reeb umutakaly oghdy, iloow. “ATHIINY MO’OSHIITHY. “
Heesky athy dhughunsity kooy ky neghsooy kol kaly qalbighaa Kolby haty haghaly ya taawiyee, may
weeli waly dareengsanaa iny reed hatylee heesky manaasheey ii wali ku tarjumaasy hakiing faruurinty.
Walkasty wali ingbaahangyiiny iny ling dhuglahaathy kedky yoo bilaawky eyiin si athy madkaly iniigky
baahany iny lahakiinky naghy.
Heestungh beri makaydy inkastoo yee lahaathy korty ma’ny wiing oo ku bileerang kan any haty kiingh
sheeghy, yahatany wali goroshootheey yar isiithy iny ising ii any mad kaly reed ingdhugunsiny heeskun si
athy inggoroty Abwaanky walaa ki dhliyi iny usy elify heesky ummuty usy ingheesy damankaas wali
dhatiyoo yaaly ee usy unku dighaayi ii sithy usy lifithaayi.
Hoophy heesky wal yar haky qaathathy wali eraasee. “ waayeel olaad damiyee maa my abaabulaaw.”
EEbiheey ku obsathy ology haghsheey ii islaangnimaathy dhooraa.”
Aly ku obsiinty mahaaynee tii abwaanky kiinky weeraaw si ologhy ii umuty muslunky e athy meeloo isly
fidhiithaangh kiinky nebed galaan, ii marky oldhiyi iny waayeelky inghnaghany haangh olky oojiyaaw, ee
neghathaangh haangh olky damiyaaw, si lunku baaqsithy ol korii ky dhimithaaw, hanghraab asaay ky
qaathaasy, aayoow ky goblymaasy, gabar walaalshee ky waayaasy, ethooyleeyty moory mithoow ky
fadheethaasy, gaal reerkii lahaayi nebed ky foofsitheen asarkii hubeer ky neghethaayaang, mise saas
mee eh ee walkaly yaa abwaanky kiinghsheeghoohaayi, haa humaanghtaas ku rooghdoo ingky
dhowaanee abwaanky kiinky dighoohaaye. Iloow, “ATHIINY MO’OSHIITHY”.