Ururka Saxafiyiinta Qaranka Soomaaliyeed ee NOSOJ ayaa si weyn cambaareeyay Wariye shalay lagu xiray Magaalada Baledweyne ee xarunta gobolka Hiiraan.
War Qoraal ah oo uu soo saaray xoghayaha ururka Saxafiyiinta Qaranka Soomaaliyeed Maxamed Ibraahim Macalimuu ayaa lagu sheegay in ururku ay si weyn uga xun yihiin xariga loo geystay Wariye Xuseen Xasan Dhaqane oo ka mid ah Wariyeyaasha ka howgalayay Magaalada Baledweyne.
” Waxaan weydiisanaynaa maamulka gobolka Hiiraan in ay siidaayaan wariyaha si shuruud la’aan ah , waxaan ka codsanaynaa in ay xushmeeyaan warbaahinta” sidaasi waxaa yiri Xoghayaha ururka NOSOJ Maxamed Ibraahim Macalimuu.
Xuseen Xasan Dhaqane ayaa la shaqeynaayay Laanta Afka Soomaaliga ee VOA , waxaana la sheegay in xarigiisa uu Amray Gudoomiyaha gobolka Hiiraan Cali Jayte Cusmaan.
Warbaahinta Madaxa Banaan ayaa wajahaysa caddaadis xoog badan oo kaga imaanaya dowladda Soomaaliya iyo sidoo kale maamulada ka jira dalka .
Wakan Xogayaha Ururka saxafiyiinta Qaranka soomaaliyeed Ee Nosoj Mahamed Ibarahim Macalimo oo wareysi siiyey Warsan Radio waxa
wareystey wariye Feysal dhayow Xuseen