{WARSANRADIO} Dugsigan oo howlgelintisa ay iska kaashadeen dhalinyaro is xilqaantey una dhashey Gobolka ayaa waxaa si rasmi ah loo furey bartamahii bishii 9aad ee sanadkan,ilaa iyo hadda ardeyda loo bilaabay waxbarashada ayaa gaaraya ilaa 31 ardey oo isugu jira wiilal iyo gabdho ,kuwaasi oo aanan horey u soo qaaadan wax waxbarasho ah sida uu Warbaahinta u xaqiijiyey shiine Faarax oo ka mid ah Mas,uuliyiintii taabo geisey dugsigan.
Shiine ayaa waxaa uu intaasi ka darey sababta dugsigan in ay la xariirto baahiyaha ay qabaan dhalaankani oo aan horey u helin fursado waxbarasho,maadama ay ka soo kala jeedaan qoysas danyar ah,daruusta la barayo ayuu sheegay in ay ka mid yahiin maadooyinka aas aaasiga ee waxbarashada,Caafimaadka iyo weliba xirfado shaqa abuur sida,shaqooyinka farasamada gacanta,sida harqaamaha,sida looga shaqeeyo maqaayadaha,sida gawaarida loo dhaqo iyo sida dariimaha iyo dharka loo sameeyo.
Dugsiga noocani oo kale ayaa ah kii ugu horeeyey ee laga furo degmo ka mid ah Gobolka Gedo,waxuuna sheegay in qorshaha ay ugu jirto dugsiyo noocani oo kale ah in ay ka furaan degmooyinka kale ee Gobolka,maalintiina uu shaqeeyo ilaa 6 maalin ah,mana jirto ayuu yiri ilaa iyo hadda cid naga saacidey taabo gelinta dugsigan,inkastoo rajo aan ka qabno inaan taageero uga helno waxgaradka Gobolka Gedo iyo jaaliyadaha dibada.
Ardeyda ku dadaasha waxbarashada ayuu sheegay in ay gudoonsiin doonaan abaalmarino gaareysa midkiiba lacag u dhigan ilaa $20,taasina waxay qeyb ka tahay horomarinta waxbarashada iyo in la dhiiri geliyo jiilka cusub ee daruufta ku kaliftey waxbarasho la,aanta.
Barnaamijkan ayaa waxaan ugu magac darney ayuu yiri”waxna baro biilkana raadi,waayo waxaa jira Areyda ku biirtey dugsigan ee aan ka maarmin shaqooyinka yar yar ee ay nolosha ka raadsadaan,islamarkaana u baahan in ay xilli wax bartaan inaan qorshe u sameynay,waxaana filaynaa in isbedel fiican la dareemi doono,tirada hadda aan ku bilowney bilaha soo socda ay ka sii badan doonto tirada dhalaanka u diyaarka ah waxbarashada,waxaana naga go,an inaysan waxbarashadaasi ayan kala go,in.waxaana qeyb ka ah ujeedooyinkeena in ay dhalaankan aan kala dagaalno muqaadaraadka iyo waxyaabaha xun xun.