Baydhabo Somaliya{WMN}- Dowladaha Soomaaliya iyo Jabuuti, ayaa soo kala dhex-galay wax u muuqda khilaaf diblumaasiyadeed oo ka dhashay booqashadii madaxwaynaha Soomaaliya Maxamed Cabdullaahi Farmaajo uu ku tagay dalka Eritrea.
Madaxwayne Farmaajo, ayaa codsaday inta uu joogay dalka Eritrea, in dalkaasi laga qaado cuno-qobataynta Caalamiga ah ee saaran, halkaasi ayaa ka caraysiiyay dowladda Jabuuti ayadoo Soomaaliya ka dalbatay ‘Raali-galin’.
Qaar ka mid ah dadka ku nool magaalada B/wayne, ayaa tilmaamay in Soomaaliya ay xaq u leedahay inay siyaasaddeeda si xur ah u maamulato, halka dadka qaarkoodna sheegay inay xaq ahayd in madaxwaynaha uu la tashto dhiggiisa dalka Jabuuti ka hor booqashadiisa dalka Eritrea.
Hoos ka dhagayso warbixin arinkaasi ku saabsan iyo warbixin kale oo ka hadlaysa siyaasiyiin wax laga xumaado ku tilmaamay hadalka Jabuuti, oo B/ wayne ka soo diray wariyaheena Bashiir C/llaahi Cusmaan