Golihii wasiirada Koonfur Galbeed ee shalay lagu dhawaaqay sedex kaliya ayaa ka mid ahaa golihii wasiirada xukuumaddii Shariif Xasan Sheekh Aadan, intooda kale waa dhalinyaro aqoonyahano badan, balse siyaasada saaxadeeda ku cusub.
Malaaq Ibraahim Macalin Isaaq Leeysaamoow waa oday dhaqameed ka tirsan golaha malaaqyada koonfur galbeed, waxaa ka hadlay golahii wasiirada shalay la magacaabay.
Cabdulaahi Maxamed Idiris Leesto waa siyaasi wax badan siyaasada ku soo jiray, waxaana uu ahaa lataliyiihii dhanka Amniga siyaasada iyo arimaha Bulshada Madaxweynihii hore ee KGs Shariif Xasan Sheekh Aadan, waxaa uu isna ka hadlay wasiirada la magacaabay iyo sida uu ugu kalsoonyahay soo xulista wasiirada.
Bulshada Magaalada Baydhabo ayaa aad u hadal hayo 10-ka wasiirada ee shaley lagu dhawaaqey,waxaana jira qaar ka mid ah bulshada oo aan la dhacsaneyn Wasiirada la magacaabay.