Baydhabo Somaliya{WMN}-Magaalada Muqdisho waxaa maanta ka dhoofay wafdi uu hoggaaminayay Gudoomiyaha Aqalka Sare ee baarlamaanka Soomaaliya, kuwaasoo ku sii jeeda wadanka Koofurta Kuuriya.
Wafdigan oo ay ka mid yihiin Wasiiro iyo xildhibaano katirsan labada Aqal ee baarlamaanka Soomaaliya, waxaa garoonka ku sii sagootiyay xubno kamid ah Dowladda Soomaaliya, waxeyna ku wajahnyihiin Magaalada Seoul oo ah Caasimada Jamhuuriyadda Kuuriyada koonfureed.
Socdaalkooda ayaa la xiriira ka qeybgalka shir ay isugu imanayaan qaar kamid ah baarlamaankada dunida, Siyaasiyiin iyo Axsaabta qaar ee kajirta caalamka, waxaana la isku dhaafsan doonaa Kulan Caalami ah oo looga hadlayo arrimaha Nabadda Aduunka.
Shirkan oo si rasmi ah u furmaya 7-da bishan oo Khamiista beri ah, ayaa lagu wadaa in la soo xiro 11-ka bishan, waana markii u horeysay oo uu Aqalka sare ka qeybgalo shirkan oo mudo sanada ah la soo qabanayay.
Gudoomiyaha Aqalka Sare ee dalka Cabdi Xaashi C/llaahi iyo xubnaha la socdo, ayaa lagu wadaa in shirka kadib ay kulamo la qaataan Madaxda ka qeybgaleysa shirka oo ay kala hadlayaan sidii taageero dhinacyo kala duwan leh loogu muujin lahaa dalkan colaadaha ka soo kabanaya.