Baydhabo Somaaliya-{WMN}-Waxaa ay sameeyeen horumar dhanka ganacsiga ah kadib markii hay’adda SOS u samaysay mashruuc loogu magac daray barnaamiska xoojinta Qooysaska danta yar,
kaasoo socday muddo sedex sano ah. Mudadaasi uu socday mashruuca waxaa ka faa’idaystay 200 Qooys oo laga soo xulay afarta xaafadood ee ay ka koobantahay magaalada Baydhabo.
Xasan Maxamed Ibraahim Gaduudoow waa madaxa Mashruucan ee hay’adda SOS magaalada Baydhabo, waxaa uu ka warbixinayaa ujeedooyinkii loo abuuray mashruucan, heerarkii uu soo maray iyo iyo sedex sano kadib halka joogaan qooysaskii lagu bilaabay barnaamishkan.
Sheekh Buule Xuseen oo ah gudoomiyaha 200 Qooys ee laga soo xulay Xaafadaha kana faa’idaystay barnaamishkan xoojinta Qooysaska danta yare e Hay’adda SOS taabagalinaysay, waxaa uu Bandhigga Ganacsiga Ganacsarada yaryar mar uu ka hadlayay ka sheekeeyay Qooysaska lagu bilaabay barnaamishkan halka ganacsigooda joogay iyo halka maanta marayo.
Wasiirka Xanaanada Xoolaha iyo wasiirka Ganacsiga Dowlada Goboleedka KGS Mukhtaar Maxamed Guuleed iyo Maxame Cali Xasan oo ka soo qaybgalay Bandhigga Ganacsiga ayaa labadoodaba waxaa ay amaanayn barnaamishkan Xoojinta Qooyasaska danta yar ay Hay’adda SOS ka hirgalisay Magaalada Baydhabo, iyagoona dhiiri galiyay ganacsatada yaryar ee ka faa’idaysatay Barnaamishkan, waxayna balanqaadeen iyagoo ku hadlay afka dowladda KGS in ay ku tartansiin doonaan hay;adaha kale in ay sida SOS oo kale bulshada u keenaan mashaariic wax ku ool ah oo natiijadooda la taabankaro.
Inkastoo barnaamishka uu ugub yahay, haddana ka soo qaybgalayaashii bandhigga Ganacsiga ganacsatada yaryar waxay dhammaantood qireen in uu yahay barnaamishka mid lagu guulaystay oo waxtarkiisa durba uu muuqdo iyadoo bulshada iminka ay fahamtay ayay ku hanwaynyihiin in ay hay’adda SOS sii wado barnaamishka ayna gaarsiiso dhamaan degmooyinka maamul goboleedka Koonfur Galbeed Soomaaliya si bulshada u noqoto mid ka baxda gacma hoorsiga iyo ku tiirsanaanta gargaarka caalamka.