Ugu yaraan hal qof ayaa ku dhintay, dhawr kalana way ku dhaawacantay, ka dib markii bambo gacmeed lagu tuuray maqaaxi lagu shaaho oo ku taala Aargada Magaalada Kismaayo.
G/dhexe Ismaaciil Faarax Raage oo ka tirsan Saraakiisha Nabad Suggida Jubbaland ayaa xaqiijiyay dhimashada hal qof oo rayid ah iyo dhaawaca dhawr kale.
G/dhexe Ismaaciil Faarax Raage oo Warbaahinta kula hadlayay Xarunta Nabad Suggida Jubbaland ee Magaalada Kismaayo ayaa qaraxaasi ku eedeeyay Ururka Al Shabaab.
Sarkaalkan ayaa tibaaxay in hawlgal ay ka sameeyeen Magaalada Kismaayo ku soo qab qabteen tiro dad ah, kuwaa oo sida uu sheegay lala xiriirinayo argagixisada, baaritaana uu ku socdo.
Ismaaciil Raage ayaa sheegay in dadkaasi kuwooda ay ku cadaato Shabaabnimo la horkeeni doono sharciga, ciddii lagu waayana ay iska sii deyn doonaan.
Dad loo soo qabqabtay Qarax kadhacay magaalada kismaayo
previous post