Mid ka mid ah Golaha Wasiirada ee Maamulka Koonfur Galbeed ayaa sheegay in uu is casilay, isagoo aan sababeen is casilaadiisa.
Wasiir Kuxigeenkii Wasaaradda Amniga Gudaha ee Koonfur Galbeed, Isaaq Barrow Isaaq ayaa qoraal uu xalay soo saaray ku sheegay in uu iska casilay xilkii uu maamulka ka hayay.
Wasiir Kuxigeenka ayaa Madaxweynaha Koonfur Galbeed, Cabdicasiis Xasan Cabdi (Lafta-gareen) ogeysiiyay in uu iska casilay xilkii uu u soo magacaabay 13-kii bishii February ee sanadkii 2019.
Isaaq Barrow Isaaq ayaa ka mid ahaa qaybtii ugu horeysay ee Golaha Wasiirada uu soo magacaabay Madaxweyne Lafta-gareen 13-kii February. Madaxweynaha ayaa xilligaa laba jeer soo kala magacaabay Golihiisa Wasiirada.
Wasiir Barrow ayaa Madaxweyne Lafta-gareen kaga mahadceliyay xilkii adkaa ee uu u soo magacaabay, isagoo dhanka kalana mahdiyay wada shaqeyntii dhex martay 17-kii bilood ee xafiiska uu joogay.
Barrow ayaa sidoo kale u mahadceliyay dadkii la soo shaqeeyay, waxaana bulshada reer Koonfur Galbeed uu ka socday in ay maamulka la shaqeeyan.
