Muwaadin Soomaaliyeed ayaa xalay lagu dilay dalka Koonfur Afrika, kaasoo ka mid ahaa ganacsatada Soomaaliyeed ee ganacsi ballaaran ku leh dalkaasi.
Kooxo burcad ah ayaa Axmed Xuseen Caddow waxa ay ku dhex dileen gaarigiisii, oo markaasi yaalay afaafka hore ee goobtiisa ganacsi.
Dilkan ayaa caweyskii xalay ka dhacay deegaanka Retreat ee duleedka Magaalada Cape Town, iyadoo dhanka kalana ay baxsadeen dembiile-yaashii dilkaasi gaystay.
Ciidamada Booliska ee dalka Koonfur Afrika ayaa markii dambe gaaray goobtaasi, iyagoona ku guuldareystay inay gacanta ku soo dhigaan dembiile-yaasha.
Dilkan ayaa noqonaya kiisii ugu dambeeyay dilalka dalkaasi joogtada ka noqday, ee loogu gaysanayo muwaadiniinta Soomaaliyeed.