Taliska militeryga dalka Mareykanka ayaa sheegay inay ciidamo dheeraad ah oo xoojin ah u diray dalka Syria, kadib markii uu isku dhac dhex maray ciidamada Mareykanka iyo kuwa Rushka ee Syria jooga.
Ciidamo Mareykan ah oo watay gaadiid dheeraad ah ayaa gudaha u galay dhawr magaalo oo Syria ku yaalla, waxaana ay gudbeen xeryaha Mareykanku ku leeyahay gudaha Syria.
Ciidamadaan badankood waxaa laga qaaday xeryaha militeri ee Mareykanku ku leeyahay dalka Kuwait.
Ciidamada Mareykanka iyo kuwa Ruushka ayaa is rasaasayey ayagoo ku jira hawlgallo gaar ah, sida ay werisay warbaahinta dalkaas.
Cabsida ayaa sii xoogeysatay, kadib markii meel u dhaw xeryaha ciidamada Mareykanku ay ku leeyihiin Syria ay tageen ciidamo Rushka oo gaadiid dagaal wata.