Labada Aqal ee Baarlamaanka Federaalka Soomaaliya oo maanta kulan wadajir ah yeeshay si ay u ansixiyaan Heshiiskii ay wada gaareen Madaxda Dowlada Federaalka iyo Dowladaha xubnaha ka ah ayaa cod u qaaday ansixinta heshiiskan.
Kulankan oo ay ku sugnaayeen inta badan xildhibaanada Baarlamaanka Federaalka labadiisa aqal intooda Muqdisho ku sugan ayaa waxaa khudbado kooban kadib codka loo qaaday ansixinta heshiiskan.
252 Xildhibaan ayaa taageeray heshiiskan, halka ay diideen 2 xildhibaan waxaana ka aamusay 1 xildhibaan.
Ansixinta heshiiskan ayaa meesha ka saareysa walaacii laga qabay in Baarlamaanka horjoogsado heshiiskii muddada dheer kasoo shaqeenayeen Villa Soomaliya iyo Madaxda Dowlada Gobaleedyada.
Xildhibaanada ayaa sheegay inaysan waxna ka bedaleen qodobada heshiiska maadaama uu yahay heshiis siyaasadeed, balse waxay raaciyeen hal lifaaq oo la xariira qaabka soo xulista Ergada oo ay sheegeen sida loo qoray in la saxo, iyagoo codsaday in laga dhigo in Ergada Xildhibaanada soo dooraneysa ay soo xulaan Issimada & Bulshada Rayidka, halka Dowlad Gobaleedka kaalinteedu tahay diiwaangelinta.