Magaalada Baydhabo ee Xarunta Gobolka Baay ayaa Maanta waxaa soo gaaray wafdi ka socday dowladda Qatar oo uu hoggaaminayay Ambassador Hasan Bin Xamza Asad Maxamed, iyadoo halkaas lagu soo dhaweeyay.
Madaxweynaha dowlad Goboleedka Koonfur Galbeed Cabdicaiis Xasan Maxamed Lafta-gareen ayaa Xafiiskiisa ku qaabbilay Safiirka Qatar Hasan Bin Xamza Asad, iyagoona ka wada hadlay arrimo kala duwan.
Kulanka ayaa looga hadlayey arimaha ka jira Koonfur Galbeed ee isugu jira amniga, Mashaariic horumarineed iyo Arrimaha doorashooyinka la filayo inay dalka ka dhacaan dhammaadka sandkaan 2020/2021.
Qatar ayaa horey Mashaariic kala duwan uga fulisay Magaalada Baydhabo, waxaana kamid ahaa Iskuul, Gegida Diyaaradaha ee Shaati-gaduud iyo Madaxtooyada maamulka Koofur Galbeed.
Dowladda Qatar iyo hay’adaheeda samafalka ayaa Gacan ballaaran ka geysatay dib usoo kabashada Soomaaliya , iyagoo sidoo kale door wanaagsan ka qaatay Qalabeynta Ciidamada kala duwan ee Dalka