Ciidamada Haramcad ayaa Magaalada Jowhar ka wada hawlgalo amniga lagu xaqiijinayo, sidoo kalena lagu bartilmaameedsanayo xubnaha lala xiriirinayo inay ka tirsan yihiin Ururka Al Shabaab.
Booliska sida gaarka ah u tababaran ee Haramcad ayaa hawlgalka saacadihii ugu dambeeyay laga sameeyay Magaalada Jowhar ku soo qabqabtay dhalinyaro fara-badan.
Ciidamada oo isku shaandhayn ku soo sameeyay dhalinyaradaasi ayaa intooda badan dib u sii daayay, halka intii kalena ay xarumaha laamaha ammaanka ula dhaqaaqeen.
Wararka ayaa sheegaya in dadkaasi lagu tuhmayo inay ka tirsan yihiin maleeshiyada Al Shabaab, inkastoo aanay Saraakiisha ka hadlin hawlgalkan ugu dambeeyay ee magaalada laga sameeyay.
Ciidamada Haramcad ayaa bishii October la geeyay Magaalada Jowhar, si ay uga qayb qaataan hawlgalada amniga lagu suggayo.