Golaha xuquuqul Insaanka Qaramada Midoobey ayaa Jimcaha kulan xasaasi ah ka yeelan doona qoraal qabyo ah, oo uu u soo gudbiyay Midowga Yurub, lana xiriira dagaalka ka socda dalka Itoobiya.
Midowga Yurub ayaa golaha ka codsaday in kulan gaar ahi uu ka yeesho xaaladda adag ee ka taagan dalkaasi, oo dagaalka ka socda uu sanadkiisii labaad galay.
Codisgan ayaa waxaa taageeray saddex meelood oo meel 47 dal ee xubnaha ka ah Golaha xuquuqul Insaanka Qaramada Midoobey iyo kormeerayaal uu ugu horeeyo Mareykanka.
Ururka Midowga Yurub ayaa qoraalka qabyo qoraalka ku cambaareeyay xadgudubyada ay dalkaasi ka gaysteen dhammaan dhinacyada ku lugta leh colaadaasi.
Haddii la meelmariyo qoraalkan ayaa waxay taageeri doontaa in khubaro caalami ah oo ka socda dhinaca xuquuqul insaanka loo diro dalkaasi, si baaritaan ugu soo sameeyaan gabood-faladii dhacay, ayna warbixin ku soo celiyaan sanad gudihiis.
3-dii bishii November, Qaramada Midoobey ayaa waxay soo bandhigtay warbixin baaritaan, oo lagu sheegayo in dhinacyada ku dagaalamaya dalka Itoobiya ay gaysteen xadgudubyo ka dhigan in la galay dembiyo dagaal.