Diyaarado dagaal ayaa Barqanimadii Maanta waxaa duqeyn xoogan ka geysteen degaano hoostaga Magaalada Xarardheere ee gobolka Mudug, halkaas oo ay ku sugnaayeen Xubno katirsan ururka Al-Shabaab.
Taliyaha Guutada 16-aad kumaandooska Danab G/Dhexe Axmed Cabdullaahi Nuur Beeryare ayaa Warbaahinta dowladda u sheegay in Ciidanka Kumaandooska Xoogga Dalka Somaliyeed ay hawlgal lagu ka dhan ah Al-Shabaab ka sameeyeen Degaannada Miiroon iyo baraag ismaaciil oo hoostaga degmada Xarardheere ee Gobolka Mudug.
Sidoo kale wuxuu sheegay in duqeynta ka dhacday degannadaas lagu dilaa ilaa 20 dagaalame oo katirsan Ururka Al-Shabaab ,kuwaas oo isku abaabulayay degaannada Miiroon iyo baraag ismaaciil si ay weeraro u geystaan.
Ugu dambeyn Taliyaha Guutada 16-aad kumaandooska Danab G/Dhexe Axmed Cabdullaahi Nuur Beeryare ayaa wuxuu sheegay inay sii wadi doonaan howlgallada ka dhanka ah Al-Shabaab ilaa laga saarayo guud ahaan Soomaaliya.
