Inkabadan 700- ruux ayaa ku dhimatay meel ku dhow magaalada Makka ee Boqortoyada Sacudi Carabiya.
Dadkaani dhintay ayaa badi ahaa kuwo sababsaday Isbuurasho iyo is dardar kadib markii ay soo guteen waajibaadkooda.
Saraakiisha Caafimaadka ayaa sheegtay in dadkaani dhintay loo daadgureeyay Isbitaalada si loo kala sooco, waxa ayna sidoo kale sheegen in dhaawaca uu kor u dhaafayo 100 ruux oo isugu jiro dhalin iyo dad da’ ah.
Shilka ay dadkaani ku dhamaaden ayaa ka dhacay sida Saraakiishu sheegtay inta u dhexeysa buurta Carafa iyo Masjidka Xaramka.
Saraakiil iyo Ciidamo ka tirsan Boqortooyada Sacuudiga ayaa gudaha u galay goobta uu shilka ka dhacay si ay usoo badbaadiyaan ama ay ugu gurmadaan dadka kale ee halkaasi ku xaniban.
Warbaahinta Caalamka iyo dhamaan baraha lagu sheekeysto ayey hadal heynta noqotay Geerida Xujeyda, dadka Muslimiinta ayaa aad uga naxaya dhibaatada ka dhacay Caqaba ee Magaalada Barakeysan Makka.