Gaalkacyo-(WRB)- Magaalada Gaalkacyo ee Gobolka Mudug maanta waxaa markale ka dhacay Dagaal u dhaxeeyay Ciidamo ka kala tirsan Maamulada Puntland iyo Galmudug.
Dagaalkan u dhaxeeyay Maamulada Puntland iyo Galmudug ayaa wuxuu geystay khasaare isugu jira dhimasho iyo dhaawac oo soo kala gaaray labada dhinac.
Dadka deegaanka ayaa Idaacaddawarsan u sheegay in ay arkayeen dad dhaawacyo ah oo la geynayay Isbitaalada.
Inta la ogyahay Dagaalkan maanta ka dhacay Magaalada Gaalkacyo ayaa waxaa ku dhimatay inka badan 15 Qof halka tiro kalena ay ku dhaawacmeen.
Saakadii hore ayaa waxaa Magaalada Gaalkacyo xaafado ka tirsan laga dareemayay Rasaas goos goos ah oo labada dhinac ay isweedaarsanayeen, Rasaastaas ayaana markii dambe isku bedeshay Dagaal culus oo labada dhinac ay isweedaarsadeen Hub culus.
Dadkii deganaa Magaalada ayaa isaga barakacay kol hore, waxaana sidoo kale la sheegayaa in maanta ay jireen dadkale oo maanta ka barakacay xaafadaha ay Dagaalada ka dhaceen.