C/llaahi Sheekh Xasan oo ah Wasiirka Dastuurka ee Maamulka Koofur Galbeed ayaa loo magacaabay Afhayeenka Golaha Iskaashiga dowlad goboleedyada.
Qoraal magacaabis ah oo ka soo baxay Guddoomiyaha Golaha Iskaashiga dowlad goboleedyada ahna Madaxweynaha Puntland C/weli Gaas ayaa lagu magacaabay C/llaahi Sheekh Xasan inuu noqdo Afhayeenka rasmiga ee Golaha.
C/llaahi Sheekh Xasan ayaa wixii hadda ka dambeeya noqon doona Afhayeenka rasmiga ee ku hadli doona codka Golaha Iskaashiga dowlad goboleedyada
Waa markii u horeysay ee uu Golaha Iskaashiga dowlad goboleedyada uu yeesho Afhayeen muddo sanad ah oo uu Golaha dhisan yahay, waxaana Golaha uu horay war saxaafadeed ka soo saari jiray kulamada iyo go’aanada uu soo saaro.
