Baydhabo Somaliya{WMN}- Kursigan xildhibaankiisa la doortay ayaa ah mid la isku haysto oo musharixiintii ka qaybgali lahayd horay ay u qaadhaceen, kuwaasoo sheegay in uu jiro musuqmaasuq iyo ergo isdaba marin qaawan iyagana ay si cad u sheegeen in aysan ka qaybgalaynin taasoo ay ka dhabeeyeen oo aysan manta soo xaadirin goobtii ay ka dhacaysay doorashada.
Cabdulaahi Sheekh Maxamed bakistaan waa mushaeaxa kaliya ee soo xaadiray doorashada gudiga madaxa banana ee doorashada qarankuna ku dhawaaqeen in uu yahay musharax buuxiyay shuruudihii loogu talo galay kuwa maqana ay la mid yihiin isaga oo ay buuxiyeen shuruudaha, balse ay soo xaadiri waayeen sidaasi darteed aysan maqnaashahooda doorashada u baajinaynin oo ay qabanayaan doorashada sida uu ka sheegay goobta sarkaal ka tirsan gudiga doorashooyinka madaxa bannaan ee qaranka.
Iyadoo uu kaliaya hal musharax goobta fadhiyo ayay gudiga bilaabeen doorashada iyagoona u sheegay ergada iyo korjoogtada ku sugnayd hoolka in doorashada ay bilaaban doondoonto laguna gali doono sida iyadoo afarta musharaxba ay joogaan ergadana saas ku codayn doonto.
Ergada codaynaysay oo liska ay qabteen gudiga ay hayd afartan iyo afar ergo ayaa waxaa soo xaadirtay afartan iyo laba ergo iyadoo aan la garanayn maqnaashaha labad ergo ee aan soo xaadirin madasha manta,.
Markii ergada ay codaysay oo la tiriyay codadkii ayaa sarkaalkani ka tirsan gudiga madaxa banana ee doorashada ku dhawaaqay natiijada codbixinta doorashada.
28kii April sanadii 2018kii ayaa ahayd markii uu kursigan ka geeriyooday allaha u naxariistee xildhibaan hore Khaliif Sheekh Cabdulaahi Duuray oo ka tirsanaa BFS, tan iyo xiligaas kursigan waxaa uu ahaa mid ay soo jiitamaysay in doorashadiisa, manta ayay dhacday iyadoo wali uu jiro isjiidjiidkii ragaadiyay oo goobta doorashadan uu soo xaadiray kaliya hal musharax kaasoo ah Cabdulaahi Sheekh Maxamed Bakistaan oo kursiga ku guulaystay.