Madaxweynaha Jubbaland Axmed Maxamed Islaam ayaa ku guuleystay in uu heshiis rasmi ah la gaaro Xildhibaan Cabdirashiid Xidig iyo Cabdinaasir Seeraar oo ka mid ahaa xubnihii sidda weyn uga soo horjeeday doorashadii Kismaayo ka dhacday.
Kulan dhowr Maalmood ka socday Magaalada Nairobi ayay ugu dambeyntii ku guuleysteen in ay xaliyaan Khilaafkii ka dhex taagnaa.
Qodobadda ay ku heshiishiiyeen waxaa ka mid ah In ay aqoonsadeen natiijadii Doorashada 22 August 2019, ee lagu doortay Axmed Madoobe.
Waxaa sidoo kale ka mid ah in ay Madaxweyne rasmi ah u aqoonsadeen Axmed Maxamed Islaam (Axmed Madoobe).
Qodobadda lagu qanciyay ayaa waxaa qeyb ka ahaan doona in ay xubno ku yeeshaan Madaxda Isbadal doonka Jubbaland Golaha Wasiiradda maamulkaasi ee dhawaan lagu dhawaaqi doono.
Waxaa lasoo afjaray khilaafkii Siyaasadeed ee ka dhashay doorashadii madaxweynaha iyo tan baarlamaanka Jubbaland oo in mudda ah caqabad aiyaasadeed ku aheyd maamulkaas.
Madaxweynaha maamulka Jubbaland Axmed Maxamed Islaam Axmed Madoobe ayaa kulamo is daba joog ah oo muddooyinkii dambe uu la lahaa golaha isbedel doonka Jubbaland ku guuleystay in uu xaliyo tabashooyinkoodii.
Heshiiska oo dhowr qodob ka koobnaa ayaa waxaa lagu cadeeyay kadib markii la gareaaqsaday duruufaha ay ku sugantahay Jubbaland kadib in la go’aan saday in muranka lasoo gaba gebeeyo.
Xubnaha la heahiiyay madazweynaha Jubbaland ayaa ahaa musharaxiintii diidanaa doorashadii uu kusoo baxay Axmed Madoobe waxaaba ka mid ahaa C/Rashiid Xidig C/naasirSeyraar iyo xubno kale oo qaadacay doorashada.
Halkaan Ka Akhriso Qoraalka