Dagaalamayaasha Al-Shabaab ay dad badan ka afduubteen tuulooyin hoos taga degmada Buur-hakaba ee gobolka Bay.
Dadka ay afduubteen Al-Shabaab waxaa tiradooda lagu sheegay in ka badan 60-qofood, oo u badan odayaal, haween iyo caruur.
Dad ku nool deegaanka Lahobare oo hoos taga degmada Buur-hakaba, isla markaana ah halka laga afduubtay dadka ugu badan ayaa sheegay in Al-Shabaab dadkoodii ay la’aadeen dhanka deegaanka Iidaale oo ay maamulaan.
Dhanka kale hal qof ayaa ku geeriyooday, seddax kalena waa ay ku dhaawacmeen qarax ka dhacay suuq xoolaha lagu iibiyo oo ku yaalla degmada Buur-hakaba ee gobolka Baay.