Maxkamadaynta Madaxweynihii hore ee dalka Sudan Cumar Xasan Al-Bashiir ayaa maanta ka bilaabaneysa magaalada Khartuum ee caasimadda dalka Sudan.
Cumar Al-Bashiir oo 76-sano jir ah ayaa lagu soo oogayaa dacwado ay ka mid yihiin ku tumashada dastuurka, u adeegsiga awood ciidan dad rayid ah oo dhigayey dibadbaxyo iyo inuu afgambi xukunka uga tuuray dowlad lasoo doortay.
Dacwad oogayaashu waxay sheegeen in kiisaska loo heysto Cumar Xasan Al-Bashiir ay tiro beeleen, hase ahaatee waxaa uu wijihi doonaa dacwado la xariira dambiyo dalkaas ka dhacay, intii uu xukunka hayay.
Madaxweynihii hore ee Sudan Cumar Al-Bashiir ayaa xabsi ku jiray tan iyo markii xukunka laga tuuray sanadkii hore ee 2019-kii.