Wasaarada Shaqada iyo Shaqaalaha Xukuumada Soomaaliya ayaa shaacisay in maalinta sabtida ah kuna beegan 1-da bisha May la fasaxay dhamaan shaqaalaha dowlada Soomaaliya.
Agaasimaha Guud Wasaarada Shaqada iyo Arimaha bulshada Xukuumada Soomaaliya Cabdulaahi Maxamed Cali ayaa sheegay in shaqaalaha dowlada la fasaxay munaasabada maalinta caalamiga ee shaqaalaha aduunka.
Agaasimaha ayaa shaqaalaha Soomaaliyeed u diray hambalyo iyo bogaadin ku aadan munaasabada maalinta shaqaalaga,waxa uuna guul u rajeeyey shaqaalaha Soomaaliyeed meel kasta oo ay dunida ka joogaan.
Agaasimaha ayaa ku booriyey shaqaale wynaha soomaaliyeed iney taxadar muujiyaan oo ka hortagaan cudurka Safmarka ah Covid-19 ayna raacaan talooyinka hey’adaha caafimaadka wasaarad Caafimaadka iyo dhakhaatiirta bixinayaan.
Sanad walbo 1-da bisha May ayaa caalamka laga xusaa maalinta loo asteeyay shaqaalaha, waxaana munaasabadan kusoo aadeysaa sanadkan xili dhalinyaro badan oo wax baratay ay shaqo la’aan guryaha la jifaan.