Guddiga hirgelinta Doorashooyinka heer dowlad Goboleed ee Hir-Shabeelle ayaa waxaa ay shaaciyeen Jadwalka doorashada laba Kursi oo dhawaan lagu qabanayo Magaalada Jowhar ee Caasimadda Hir-Shabeelle.
Qoraal kasoo baxay Guddiga ayaa lagu shaaciyay in inta u dhaxeysa Maanta oo Arbaco ah ilaa 5-ta Bisha la qaban doono shaacinta Ergada doorashada, tababarkooda & diiwaangelinta musharrixiinta halka 6-da Bisha oo ku beegan Axadda soo socota la qabanayo doorashada kuraasta kala ah.
1: HOP#070 oo uu ku fadhiyo Aadan Cali Xasan
2: HOP#115 oo dhowrkii sano ee la soo dhaafay uu ku fadhiyo Cali Maxamed Cumar.
Maamulka Hir-Shabeelle ayaa Isniintii todobaadkaan Magaalada Jowhar ku qabtay doorashada lixdii Xildhibaan ee ugu horreeysay Golaha Shacabka ee degaan doorashadoodu tahay degaannada Hir-Shabeelle
