Baydhowy (Radio Warsan)Ciidamada Kumaandooska xoogga dalka Soomaaliyeed ee Gorgor gaar ahaan Ururka 8 aad ee guutada 18 aad ayaa howlgal ka dhan ah Ururka Al-Shabaab ka Fuliyey Tuulooyin u dhow degaanka Ceelgaal ee Gobolka Hiiraan.
Taliyaha Guutada 18 aad ee Ciidanka
Kumaandooska Gor Gor Gashaanle Bashiir Cabdullaahi Cumar ayaa sheegay in Al-Shabaab laga saaray tuulooyin dhowr ah oo Hoostaga Gobolka Hiiraan, halkaas oo ay ku dhibaateyn jiray Shacabka.
Sidoo kale wuxuu sheegay in Ciidamada Kumaandooska xoogga dalka Soomaaliyeed ee Gorgor ay sii wadi doonaan howlgallada ka dhanka ah Al-Shabaab ilaa iyo inta ay ka saarayaan degaannada ay kaga sugan yihiin Gobolka Hiiraan.
Degaano badan oo katirsan Gobolka Hiiraan ayaa waxaa mararka qaar ka dhaca dagaalo u dhaxeeya Ciidamada dowladda iyo Ururka Al-Shabaab, waxaana dagaaladaas ay saameyn ku yeeshaan dadka Shacabka.
