Baydhabo-{WMN}-Agaasimaha xiriirka caalamiga ee Machadka Deraasaadka iyo Arrimaha Bulshada Jowhar Ust.Hassan Ali Ahmed ayaa ka qaybgalay Shirweynaha la dagaallanka dembiyada Maaliyadda oo ay qabashadiisa iska kaashadeen Machadka Imtithaal iyo Ururka Qareennada Xisaabiyayaasha qatar.
Shirweynaha ayaa looga hadlay siyaabaha looga hortago dembiyada maaliyadeed oo caalamka ku sii kordhaya.
Agaasimaha Xiriirka Caalamiga ee Machadka Jowhar oo madashaas ka hadlay Soomaaliyana ku matalayey ayaa sheegay in Soomaaliya ay caalamka intiisa kale uga baahi badan tahay la dagaallanka dembiyada maaliyadeed maadaam musuqa maaliyadeed iyo maalin taajirnimadu ku badan tahay taas oo inna dhaxashiisay in sanad kasta dalkeennu kaalinta koowaad ka galo musuqa maaliyadeed.
Agaasime Hassan Ali Ahmed ayaa hay’adaha shirka qabtay ka codsaday in shirarka noocaan oo kale ah lagu qabto gudaha Soomaaliya si uu daawo ugu noqdo fasaadka maaliyadeed ee gaaray meel aan la malaysan karin.