Wada-hadallada ayaa ku qotoma horumarinta xasilloonida gobolka, amniga, iyo iskaashiga caalamiga ah, iyadoo si gaar ah diiradda loo saaray doorashada Soomaaliya ee Golaha Ammaanka ee Qaramada Midoobay muddo labo sano ah oo ka bilaabaneysa 2025-ka.
Qodobada ugu muhiimsan ee ay ka wadahadleen ayaa waxaa diiradda lagu saaray xoojinta xiriirka Soomaaliya iyo Jarmalka, wax ka qabashada caqabadaha amni ee gobolka, iyo ballaarinta doorka Soomaaliya ee dowladnimada caalamka, iyadoo si gaar ah isha loogu hayo isbeddellada ka socda Suudaan iyo Haiti. Labada dhinacba waxay dib u xaqiijiyeen inay ka go’an tahay horumarinta dadaallada iskaashiga ah, horumarinta kobaca dhaqaalaha gobolka, iyo taageeridda howlgalka AUSSOM ee ay Soomaaliya hormuudka ka tahay iyada oo loo marayo aaladaha EU ka dib dhammaadka waajibaadka ATMIS ee 2024.
Wasiiru dowlaha ayaa xaqiijiyay sida hagar la’aanta ah ee Soomaaliya ay uga go’an tahay la dagaallanka argagixisada oo ay ka mid yihiin Al-Shabaab iyo Daacish, waxaana uu carabka ku adkeeyay muhiimadda ay leedahay in la xoojiyo dadaallada diblumaasiyadeed si loo gaaro nabad iyo amni waarta oo ka hirgasha gobolka, isagoo ballan qaaday in ay daali doonaan dhammaan waddooyinka si loo gaaro yoolkan.
