Sii-Haayaha Guddoomiyaha Gobolka Banaadir iyo Duqa Magaalada Muqdisho Mudane Sheekh Yuusuf Xuseen Jimcaale (Madaale) ayaa daahfuray xarunta Keydka Talaalka Gobolka Banaadir oo noqon doonta xarunta dhexe ee Keydka Talaalka Magaalada Muqdisho.
Munaasabadda waxaa goobjoog ka ahaa Wasiiru Dowlaha Wasaaradda Caafimaadka XFS, Guddoomiye Kuxigeenka Arrimaha Bulshada iyo Wacyigelinta Maamulka Gobolka Banaadir, Xildhibaano ka tirsan BFS, Guddoomiyeyaal Degmo, Agaasimeyaal iyo bahda Caafimaadka Gobolka Banaadir.
