Waxaa maanta lagu wadaa in dowladda Soomaaliya ay gurmad deg deg ah garsiiso dadka saameynta ku yeeshay fatahaadii uu webiga shabelle ka sameeyay degmada Afgooye ee gobolka Shabeellada Hoose.
Kumanaan qoys ayaa ka barakacay gudaha degmada Afgooye , kuwaasi oo saameyn ku yeeshay fatahaada wabiga shabelle.
Wasiirka Wasaaradda Gargaarka iyo Maareynta Musiibooyinka Xukuumadda Federaalka Soomaaliya ayaa shalay ugu baaqay hey’adaha ka shaqeeya gargaarka in ay sida ugu dhaqsiyaha badan la gaaraan dadka ay saameeyeen fatahaadaha iyo daadadka ka dhashay deegaannada qaar ee ka mid ah degmooyinka Dalka.
Xamsa Saciid Xamsa Wasiirka Gargaarka ayaa sheegay in la joogo waqtigii uu muuqan lahaa doorka hey’adaha gargaarka ku leeyihiin bad baadinta nolosha dadka.
