Madaxweynaha Puntland Siciid Cabdullaahi Deni iyo wefdigiisi ayaa dib ugu soo noqdey Puntland, kadib safar qaatey 5 maalmood oo uu ku tegey magaalada Jabuuti ee xarunta jamhuuriyadda jabuuti.
Mudadadii Madaxweynaha Puntland ku sugnaa Jabuuti ayuu la kulmey Madaxweynaha Jabuuti Ismaaciil Cumar Geele, Wasiirka Arrimaha dibadda, kan ganacsiga, maamulka dekadaha Jabuuti, waxaana ay ka wada hadleen iskaashiga labada dhinac ee xiriirka ganacsiga iyo isu socodka.
Madaxweyne Siciid Cabdullaahi Deni ayaa lagu wadaa in maalinta berri ah uu tegi doono Dhuusamareeb, halkaaas oo uu ka socdo dedaalka lagu furayo shirkii loo ballansanaa ee caqabadaha lagu hor gudbey.
Dowaldda Jabuuti ayaa maqaam sare ku sii sagtootisey Madaxweynaha Puntland, waxaana lagu tilmaamey in uu ahaa safar guul ku soo dhamaadey, dhawaana uu bilaaban doono xoojinta ganacsiga iyo iskaashiga labada dhinac.
Waxaa magaalada Garoowe ku soo dhaweeyey Madaxweynaha Puntland ku xigeenkiisa Axmed Cilmi Cismaan
