Ciidamada dowladda ayaa soo afjaray weerarkii Al-shabaab ku qaadeen hotel Elite, oo kamid ahaa hotelada ammaankooda aad loo ilaaliyo ee kuyaala xeebta Liido ee magaalada Muqdisho.
16 qof oo ay ku jiraan dableyda weerarka qaadday ayaa ku geeriyooday weerarkaan, halka ay ku dhaawacmeen 13 kale.
Afhayeenka ciidamada Booliiska gaashaanle Sidiiq Aadan Cali ayaa sheegay in la dilay 5 dagaalame oo hotelka gudaha u galay, Waxaa sidoo kale uu sheegay in lasoo badbaadiyay in ka badan 200 qof oo hotel ku go’doonsanaa.
afhayeenka ciiddanka booliiska waxa uu sheegay in soo afjarida weerarka ay qaadatay saacaddo dheer, taasoo uu sheegay inay sabab u ahayd, iyadoo laga fogaanayay in khasaaruhu intaas kasii bato.
Ma sheegin tirada masuuliyiinta ku dhintay weerarka iyo kuwa ku dhaawacmay.
Burbur aad u baaxad weyn ayaa soo gaaray hotelka, waxaana dhexdiisa lagu toogtay dad badan oo kamid ahaa shaqaalihii hotelka iyo dadkii nasashada usoo raadsaday.
Madaxweyne Farmaajo ayaa ujeedka ugu weyn ee Al-shabaab u qaadeen weerarkan ku tilmaamay in ay niyad jabiyaan shacabka Soomaaliyeed ee ka soo kabanaya duruufaha adag
Guddoomiye ku-xigeenka Maamulka iyo Maaliyadda Gobolka Banaadir Axmed Xasan Iimaan ayaa booqday qaar ka mid ah dhaawacyadii ay dhibaatada kasoo gaartay Qaraxii iyo weerarkii lala beegsaday Hotel Elite ee Dagmada Cabdicasiis.
Maamulka xarumaha caafimaadka ayaa uga warbixiyay Guddoomiyaha xaalada dhaawacyada iyagoo sheegay in ay heleen adeeg fiican si wanaagsanna loola tacaalay,
Guddoomiye ku xigeenka ayaa Alle uga baryey intii weerarka ku dhimatay In uu Alle u naxariisto inta dhaawacana uu Allaah u booga dhayo.
Halkan Hoose Ka Daawo
