Cabdicasiis Xasan Maxamed (Lafta-gareen), Madaxweynaha Koonfur Galbeed ayaa maanta sheegay in dhawaan la qaadi doono guluf militari, oo Al Shabaab looga saarayo deegaanada ay kaga sugan tahay Koonfur Galbeed.
Madaxweynaha ayaa sheegay in maalmaha soo socdo uu bilaaban doono hawlgal waddo furis ah, hawlgalkaas oo sida uu sheegay lagu furi doono wadada dheer ee xiriirisa Magaalooyinka Baydhabo iyo Muqdisho.
Madaxweynaha ayaa xusay in hawlgalkan uu daba-socdo hawlgadii bilowgii sanadkan Al Shabaab looga saaray Degmada Awdheegle iyo deegaanada Janaale, Sabiib iyo Caanoole ee Gobolka Shabellaha Hoose.
Madaxweyne Lafta-gareen ayaa hadalkan ka sheegay Shirka Somaliya iyo Beesha Caalamka oo maanta ka furmay Magaalada Muqdisho, xilli uu uga qaybgalay muuqaalka foggaan aragga
