Xildhibaannadda Baarlamaanka Maamulka Puntland ayaa kulan uu maanta ku yeeshay magaalada Garowe waxa ay ugaga soo horjeesteenmuddo kordhinta dhowaan uu golaha shacabka baarlamaanka Federalka u sameeyay Madaxweyne Farmaajo.
Kulanka maanta ee Baarlamaanka Puntland oo ahaa fadhiga 28-aad, Kalfadhiga 47-aad ayaa waxaa ka qeybgalay madaxweynaha Puntland Siciid Cabdullahi Deni iyo madaxweyne ku xigeenkiisa, Axmed Cilmi Cismaan Karaash.
Ujeedka kulanka oo ahaa warbixin, is-xogwareysi iyo wada-tashi uu madaxweynaha iyo madaxweyne ku xigeenka la qaadanayaan baarlamaanka, wada-tashigaasi oo ku saabsan xaaladda guud ee dalku marayo iyo mowqifka Puntland ee ku aadan muddo kordhinta ee uu sameystay madaxweynaha Soomaaliya Maxamed Cabdullaahi Farmaajo.
Kulankan oo ay saxaafadu dibad joog ka ahayd ayey golaha wakiillada dood-dheer kadib cod u qaadeen muddo kordhinta aan sharciga aheyn ee hay’adaha dowlada federaalka Soomaaliya, waxaana fadhiga maanta oo ay joogeen 52 Xildhibaan, u codeyay Ogol 49 Xildhibaan, diidmo 1 halka ay ka aamuseen 2 mudane.