Baydhabo(WMN)-Maamulka Degmada Baydhabo, laamaha dowlada hoose ee Baydhabo iyo gudoomiyaasha tobanka xaafadood ee Degmada Baydhabo ayaa waxay kordhiyeen shaqooyinkii ay horey kaqabanayeen taasi oo ah soo celinta nadaafada iyo bilicda ay kawadeen xaafadaha iyo goobaha ganacsiga waa weyn ee Degmada Baydhabo.
Si loo dar dargaliyo awaamiirtii dhawaan kasoo baxday xafiiska gudoomiyaha Degmada Baydhabo Mudane Xasan Macalin Axmed (Biikoole) oo ay aheyd in maamulka Degmada Baydhabo lagala shageeyo hormarinta adeegyada bulshada, amniga iyo nadaafada guud ee Degmada, waxaana hada xaafadaha iyo sooqyada waa weyn ee Baydhabo laga bilaawey sidii looga aruurin lahaa qashinta iyo wax yaabaha ka dhalan karaan nadaafada darada.
Subaxii hore xaafadaha qaar iyo wadooyinka waxaad ku arkeysaa dad ku lebesan dariiska nadaafada kuwaasi oo gacanta kula jiraan howlaha nadaafada.
Wadooyinka xaafadaha qaar ee Degmada Baydhabo oo weli loogu sameynin dayactirka ayaa gudoomiye xaafadeedyada iyo dadka xaafadaha ayaa waxay wadaan buuxinta godadka biyo fariisanka ah iyo in qashinka laga xaabiyo xaafada.
Tani waxay qeyb ay ka tahay dadaalada maamulka Degmada Baydhabo uu ku doonaayo in uu ku hormariyo Magaalada iyo xaruumaha loogu adeego bulshada Magalada Baydhabo.
Halka Hoos Ka Daawo Sawirada.
