Rag hubeysan oo weli aan la garan ayaa la sheegay in abaara xalay 1:30 Saqdii Dhexe inay weerar ku qaadeen Hoyga Guddoomiyaha Magaalada Booraama ee Xarunta Gobolka Awdal Saleebaan Xasan Xadi.
Weerarka kadib ayaa waxaa la sheegay in uu dagaal kooban dhex-marey ilaalada Guriga Guddoomiyaha iyo raggii soo weeraray walow sida la sheegay aysan ka dhalan khasaaro nafeed.
Goobjoogayaal ayaa waxaa ay Warbaahinta u sheegeen in weerarkaasi uu burbur kasoo gaarey meelaha qaar ee Hoyga Guddoomiyaha Magaalada Boorame ayna ku dhacdey rasaastii ay soo ridayeen maleeshiyaadkii soo weeraray.
Laamaha Ammaanka Soomaaliland ee Magaalada Boorama kama hadlin weerarka lagu qaadey Hoyga Guddoomiyaha Magaalada Booraama,waxaana lagu soo waramayaa in saaka xaalada Magaalada ay tahay mid degan.
