Wasaaradda Beeraha iyo Waraabka Dowlad Gobaleedka Hirshabeelle ayaa Shacabka Soomaaliyeed ee ku nool hareeraha wabiga ugu baaqday in taxadir ay muujiyaan Xili Tuulooyin hoosyimaada Jowhar uu fatahaad ka sameeyay wabiga kuwaas oo kala ah Gumbe Maandheere iyo tuugeerey waxaana jirta inuu baabi’iyay dalagyo ubeernaa dadka ku nool Tuulooyinkaas.
Wasiirka wasaaradda Beeraha iyo waraabka Dowlad Gobaleedka Hirshabeelle Cali Xaaji ayaa bulshada ku nool tuulooyinka iyo magaalooyinka uu maro wabiga ka codsaday inay kordhiyaan xaal ogaashiyaha heerarka uu marayo wabiga maadaama xiligaan uu wado biyo aad u badan lagana cabsi qabo inay dhacdo fatahaad.
Wasaaradda Beeraha iyo Waraabka Hirshabeelle ayaa maalmahan wadda dadaalo looga hortagayo fatahaada biyaha wabiga shabeelle iyo saameenta bini aadinimo ee ka dhalan karta.
