Taliska Booliiska Magaalada Baydhabo ee Xarunta Gobolka Baay ee Maamulka Koonfur Galbeed ayaa waxaa ay soo saareen Amaro culus oo ku socda Ganacsatada kala duwan ee Magaaladaasi Baydhabo.
Taliyaha Ciidanka Booliska Degmada Baydhabo Gaashaanle Dhexe Muqtaar Ibraahim oo la hadlay Ganacstada iyo waalidiinta Magaalada Baydhabo ayaa ku amray inay ka fogaadaan waxyaabaha Carruurta ay ku ciyaaraan maalmaha Ciida amnigana qalqal galinkaro.
Waxaa uu sheegay Taliyaha in xaalado dhanka Amniga ah darted loo joojiyey inay Ganacsatada keenaan qalabka ay Carruurta ku Ciyaaraan,sida Bustooladaha Baaruuda loo isticmaalo iyo qoriga xilli ay oo dhawdahay maalmaha Ciidul Fidriga.
Sidoo kale waxaa uu hadalkiisa uu intaasi ku daray in tallaabo laga qaadi doono Ganacsatadii iyo Waalidiintii ka dhega adeega Amarka Taliska Ciidamada Booliska Magaalada Bayshabo.
Sanad kasta markii ay soo dhawaadaan Maalmaha Ciida ayaa Maamulka iyo Booliska Magaalada Baydhabo waxaa ay soo saaraan Amaro ay ku mamnuucayaan keeni taanka iyo ka Ganacsiga waxyaabaha Carruurta ay ku ciyaaraan.
