Magaalada Beledweyne ee xarunta gobolka Hiiraan waxaa caawa lagu dhex dilay gudoomiyahii deegaanka Hees, Cabdullaahi Bilig, iyadoo dilkiisa kadib uu iska hor imaad dhex maray ciidamada ammaanka iyo kooxdii dilka geysatay.
Laba wiil oo bastoolado ku hubeysan ayaa marxuumka ku dishay xaafadda Xaawa-Taako ee magaalada Beledweyne, kuwaas oo mid laga dilay midna la dhaawacay, kadib iska hor imaad kooban oo dhex maray kooxda iyo ciidamada booliska magaalada Beledweyne.
Ciidamada ayaa weli xaafadda Xaawa-taako ka wada howlgallo amni xaqiijin ah, sida ay noo sheegeen saraakiil ka tirsan laamaha ammaanka degmada Beledweyne.