Golaha Difaaca iyo Amniga dalka Sudan ayaa maanta ku dhawaaqay saddex bil oo xaalad deg deg ah, ka dib markii fatahaado sanadkan ka dhacay Sudan ay dileen 99 qof
Wasiirka Shaqaalaha iyo Horumarinta Bulshada Lena el-Sheikh, ayaa sheegtay in daadadka sannadkaan ay sidoo kale ku dhaawacmeen 46 qof halka in ka badan nus milyuun qofna ay ku khasaareen daadka.
Sida ay ku warrantay Wakaaladda wararka Sudan ee SUNA, Roobabka sanadkan ka da’ay Sudan ayaa ahaa kuwii ugu badnaa tan iyo sannadkii 1946-kii.
Wali waxaa laga cabsi qabaa in ay da’aan roobab kale oo hor leh oo khasaara culus sababi kara, sida ay saadaalinayaan heyadaha saadaasha hawada oo soo saaray digniino arrintaas la xiriira.
Golaha Amniga iyo Difaaca ee Suudaan ayaa ku dhawaaqay xaalad deg deg ah oo qaran muddo seddex bilood ah sababo la xiriira daadadka oo dilay 99 qof sanadkan.
Golaha ayaa sidoo kale u calaamadeeyay Suudaan aag musiibo dabiici ah, sida ay ku warantay wakaalada wararka ee SUNA Sabtidii.
Wasiirka shaqada iyo horumarinta bulshada ee Suudaan ayaa sheegay dhimashada ka sokow, daadadka sanadkan inay dhaawaceen 46 qof, waxyeelo u gaysteen in ka badan nus malyuun qof ayna sababtay isku darka iyo qayb ahaan burburka in ka badan 100,000 oo guri, sida ay qortay SUNA.
Heerarka daadadka iyo roobka ee sannadkan waxay ka sarreeyeen rikoodhyadii la dhigay sannadihii 1946 iyo 1988, iyadoo laga filaayo tilmaamayaasha sii kordhaya, ayay sii raacisay wasiir Lena el-Sheikh.
Golaha ayaa sidoo kale ku dhawaaqay sameynta guddi sare oo ay hogaamineyso wasaarada shaqada iyo horumarinta bulshada si ay ula tacaasho dhibaatooyinka fatahaada ee deyrta (dayrta) ee sanadka 2020, SUNA ayaa sidaas tiri.
Xilli roobaadka Suudaan wuxuu bilaabmaa bisha Juun wuxuuna socdaa illaa iyo Oktoobar, taasoo macnaheedu yahay in waddanku la kulmo daadad iyo roobab mahiigaan ah sannad walba.
Gudiga ayaa ka digay jimcaha in dalku wajaho roobab badan, iyagoo intaa ku daray in heerka biyaha wabiga buluuga ah ay kor ugu kaceen rikoor dhan 17.58 mitir.
Source Al Jazeera
