Wasiiro iyo Xildhibaanno ka tirsan Dowlad Goboleedka Galmudug ayaa ka qayb galay Daahfur loo sameeyay Ceel matoor laga hirgaliyay Deegaanka Hul-kujir oo isku tashi bulsho lagu qoday.waxaana deegaanka hadda laga qoday ceelkan kahor uu ahaa mid oomane ah oo dadka iyo xoolaha ay biyo la’aan ku qabeen.
Dadka isku tashiga ku qoday ceelkan oo ahaa bulsha ka soo jeeda deegaanka ayaa daahfur u sameeyeen furitaankiisa waxaa kala soo qayb galay Wasiiro iyò Xildhibaanno ka tirsan Galmudug, Ganacsato Maamulada Magaalooyinka Caabudwaaq iyo Xeraale iyo Ugaas Maxamed Ugaas Axmed.
Guddoomiyaha Degmada Caabudwaaq Mahad Cumar Cilmi iyo Sheekh Cabdikariin Xasan Aadan oo ka tirsan mas’uuliyiinta Maamulka magaalada Xeraale ayaa si wada jira u soo dhaweeyay ceelka cusub oo ay shegeen in si wada jira ay uga fa’aiidaysan doonaan dadka iyo Xoolaha.
Quulle Uurdoox Shaaciye iyo Faysal Qorane oo ka mid ahaa dadka deegaanka ee qaybta ku lahaa hirgelinta Ceelkaan ayaa warbixin iyo Codsi la xariira Ceelkan la wadaagay dadkii ay ku casuumeen furitaankiisa.
Maamulaha Shirkadda Hormuud Faarax Axmed Cali, Xildhibaan Farxiyo Xasan Cali iyo Xildhibaan Xasan Kaynaan oo ka nid ahaa mudanayaasha Baarlamaanka Galmudug ayaa sheegay inay qayb ka qaadan doonaan dhamaystirka baahiya ka dhiman Ceelka.
Wasiir ku-xigeenka Macdanta iyo Biyaha ee Dowlad Goboleedka Galmudug Daahir Salaad Guuleed, Wasiir ku xigeenka Boostada Galmudug Cabaas Xuseen Cali iyo Wasiiru Dawlaha Wasaaradda hawlaha Guud ee Galmudug Mahad Xasan Sheekh Yuusuf ayaa bulshada ku booriyay inay joogteeyaan dadaalada ay dhexdooda wax isugu qabanayaan.
Nabadoon Axmed Garbacune iyo Aqoonyahan Cabdiraxmaan Kaligi duul ayaa sheegay inay uga wada mahadcelinayaan dadkii taaba galshay Ceelkaan
Wasiirka Wasaaradda Masiibooyinka iyo Gargaarka Galmudug Cadiraxmaan Maxamed Diiriye Makaawi iyo Wasiirka Wasaaradda Arimaha Gudaha iyo dibu Heshiisiinta Galmudug Cabdi Waayeel ayaa ugu baaqay bulshada deegaanka inay nabad ku wada cabaan biyaha ceelka.
Gaba gabadii Ugaas Maxamed Ugaas Axmed ayaa waxaa uu u mahadceliyay dadka ka qayb galay hirgelinta ceelkan
