Taliska Kumaandooska Danab ee ka tirsan Ciidanka Xoogga dalka ayaa ka xog waramay hawlgalo kala duwan, oo laga fuliyay Gobolada Shabellooyinka iyo Hiiraan, laguna soo qabtay Saraakiil ka tirsan Ururka Al Shabaab.
War ka soo baxay Taliska Danab ayaa lagu sheegay in marka hore hawlgalada lagu burburiyay saldhigyo, ay Shabaabku ku lahaayen goboladaasi.
Saraakiisha gacanta lagu dhigay ayaa lagu kala sheegay inay kala yihiin Xasan Yuusuf Cali, Madaxii Maaliyadda Al Shabaab ee Gobolka Hiiraan, Cali Cabdulle Jilicow oo ku magacawnaa Madaxa Maktabka Waxbarashada Dumarka ee Deegaanka Ceelcadde iyo Sarkaal kale oo lagu magacaabo Cabdullaahi Isxaaq Xuseen, oo hadda ku magacawnaa Madaxa Zakaawaadka Al Shabaab ee Gobolada Shabellooyinka.
Laba Xidigle Maxamed Saleebaan, Taliyaha Ururka 4aad ee Danab oo la hadlay Warbaahinta Qaranka ayaa sheegay in lagu guuleystay hadafkii laga lahaa hawlgaladaasi.