Ciidamada Dowladda ayaa hawlgal dhawr saacadood qaatay waxa ay xalay ka sameeyeen wadada xiriirisa Magaalada Muqdisho iyo Degmada Afgooye ee Gobolka Shabellaha Hoose.
Hawlgalka oo bilowday fiidnimadii xalay ayaa laga sameeyay deegaanada Calamada, Ceelasha Biyaha, Xaawo Cabdi, Lafoole illaa Carbiska.
Ciidamada ayaa waxaa la sheegay in intii uu hawlgalku socday inay baarayeen gaadiidka aan badnayn, ee xilliyada habeenkii adeegsada wadadaasi.
Sidoo kale waxaa jira warar sheegaya in Ciidamada Dowladda ay bartilmaameedsadeen goobo gaar ah. Ma cadda inay dad ku soo qab qabteen iyo in kale, mana jirto wax wara oo Saraakiisha ay ka soo saareen.
Gaadiidka Ciidamada Dowladda ayaa xilliyada qaarkood wadadaasi lagula eegtaa qaraxyada lagu diyaariyo hareeraha wadada.
